Recursos específicos do programa de doutoramento
O Programa de Doutoramento en Enxeñería Química está adscrito administrativamente á Escola de Enxeñaría Industrial polo que conta, como as demais titulacións do centro, cos servizos administrativos e infraestruturas propias do centro: conexións inalámbricas, aulas, aula de grao, salón de actos, reprografía, cafetería, comedor, etc.
No que respecta a laboratorios, disponse dos laboratorios asignados á área de Enxeñería Química na Escola de Enxeñería Industrial, no CINTECX, e no edificio Isaac Newton.
En canto a recursos externos, obtéñense fondos de convocatorias públicas e empresas que permiten un desenvolvemento razoable das liñas de investigación do programa.
Recursos materiais e servizos centralizados
O programa dispón de recursos institucionais materiais e virtuais da Universidade de Vigo de forma centralizada, nas dependencias institucionais dos tres campus (Ourense, Pontevedra e Vigo), e descentralizada, tanto nas facultades e escolas como nas estruturas de investigación (centros e institutos de investigación, centros de soporte).
Entre os recursos centralizados son destacables (non exhaustivo):
- Infraestrutura dixital e de conectividade: Identificador personal, correo, wifi / conectividade no campus, servizos de arquivo/disco privado virtual, aloxamento web, servizo DNS, servizos audiovisuais, videoconferencia tradicional e masiva (AccessGrid) e multimedia, UVigo-TV
- Plataformas de teledocencia: MOOVI, Campus Remoto.
- Recursos de comunicación e divulgación xenéricos: UVigo-TV, reservas de espazos institucionais, redes sociais...
- Biblioteca Universitaria: Ofrece un amplo conxunto de recursos de información, espazos e servizos para dar soporte ás actividades de aprendizaxe, docencia e investigación.
- Recursos financeiros: Bolsas e axudas, así como posibilidades de financiamento (contratos) da carreira investigadora e soporte á mobilidade.
- Recursos ligados á produción científica (Portal da investigación), á transferencia de coñecemento (Oficina de I+D) e á difusión da investigación.
- Recursos formativos e de desenvolvemento profesional: Recursos lingüísticos, supervisión e mentoría, formación continua.